Google ADS

Policia flet për pretendimet publike për ‘planet’ për vrasjen e Gani Gecit

08:19 | 25 Shtator 2018
Arbresh.info

Policia e Kosovës thotë se nuk ka pranuar kërkesë për mbrojtje nga familja Geci nga Llausha e Skenderajt.

Zëdhënësi i Policisë Rajonale të Mitrovicës, Avni Zahiti, tha se zyrtarisht nuk kanë pranuar kërkesë nga familja Geci për mbrojtje.

Sipas Zahitit, kjo duket më shumë rast për prokurori sepse duket se është politike.

“Deri më tani nuk ka kurrgjë konkrete. Nuk është raportuar as në Skenderaj diçka e tillë”, ka thënë Zahiti.

Gjatë ditës së sotme mediat kanë publikuar një letër të familjes Geci nga Llausha e Skenderajt, përmes të cilës kjo familje kërkon mbrojtje nga Policia e Kosovës, EULEX-i dhe bashkësia ndërkombëtare.

Ata thonë se janë të shqetësuar se dikush do ta vrasë familjarin e tyre Gani Gecin dhe nëse kjo do të realizohet atëherë ata do ta mbajnë përgjegjës presidentin e vendit, Hashim Thaçin.

Madje, sipas tyre nëse diçka i ndodh Gani Gecit, ata do të përgjigjen në mënyrën e njëjtë.

Shpërndaje në rrjete sociale

Lajmet më të lexuara

Të ngjashme

Foto lajm